Viðar Breiðfjörð Bæjarlistamaður Vestmannaeyja 2019:

Náttúra Eyjanna hefur verið honum innblástur

Útnefning Bæjarlistamanns Vestmannaeyja er orðin einn af vorboðunum í Eyjum þegar komið er saman  til að upplýsa hver hlýtur heiðurinn ár hvert. Listinn er orðinn langur og allt hefur þetta fólk sýnt að kann að meta og virða þann heiður sem þeim er sýndur. Með sýingum, tónleikum eða því sem tengjist þeirra listgrein,

Venjan hefur verið að koma saman Sumardaginn fyrsta en nú var brugðið út af því og fór athöfnin fram í Einarsstofu 1. maí, á baráttudegi verkalýðsins.

Það var margt samankomið í Einarsstofu til að fylgjast með og var það Njáll Ragnarsson, formaður bæjarráðs sem ávarpaði gesti. Njáll sagði að það væri honum sérstök ánægja að vera með í að tilkynna um val á bæjarlistamanni Vestmannaeyja árið 2019.

„Margir skemmtilegir listamenn hafa verið valdir í gegnum tíðina, bæði einstaklingar og hópar,“ sagði Njáll og taldi upp þá sem útnefndir hafa verið síðustu fimm árin. Þau eru  Gíslína Dögg Bjarkadóttir 2014 fyrir  myndlist, Blítt og létt hópurinn 2015 fyrir tónlist, Unnar Gísli Sigurmundsson, Júníus Meyvant 2017 fyrir tónlist, Sigurdís Harpa Arnarsdóttir 2017 fyrir myndlist og Karlakór Vestmannaeyja 2018 fyrir tónlist.

Njáll sagði að valið nú hefði ekki verið auðvelt fyrir bæjarráð.  „Mikill fjöldi sótti um að þessu sinni og voru þar margir frambærilegir listamenn og hópar. Alls bárust 11 umsóknir eða ábendingar. Vil ég nota tækifærið og þakka öllum sem sóttu um eða sendu ábendingu fyrir áhugann. Það er alveg ljóst að gróska er í listalífinu í Vestmannaeyjum og það er svo sannanlega ánægjulegt.“

Samhljóða niðurstaða

Njáll sagði að endanleg ákvörðun hafi verið tekin eftir skemmtilegar og líflegar umræður í ráðinu daginn áður. „Það er gaman að segja frá því að þegar málið hafði verið rætt fram og til baka voru allir sammála um útnefninguna,“ sagði Njáll og upplýsti  að Bæjarlistamaður Vestmannaeyja árið 2019 er Viðar Breiðfjörð.

Sagði Njáll að Viðar ætti að vera öllum Vestmannaeyingum vel kunnugur. Viðar er fæddur 31. maí árið 1962 á Húsavík. Hann fluttist til Vestmannaeyja árið 1983 og hefur búið hér og starfað æ síðan.

„Náttúra Vestmannaeyja hefur verið honum innblástur í listsköpun sinni og skildi engan undra. Verk hans eru bæði olíumálverk, vatnslitaverk auk teikninga og beitir Viðar „blandaðri tækni“. Hann er vandvirkur, tekur sér tíma til þess að klára verk sín og hefur mörg járn í eldinum ef svo má segja, en hann vinnur við mörg verk samtímis.“

Njáll sagði verk Viðars margbreytileg, ýmist af persónum, náttúru en hans persónulega uppáhald eru abstrakt myndir Viðars.

Verið að í áratugi

„Hann hefur á ferli sínum haldið fjöldann allan af listsýningum bæði hér í Vestmannaeyjum og á heimaslóðum á Húsavík. Í umræðum í bæjarráði kom fram að Viðar hefur unnið að listsköpun í áratugi og skilur eftir sig fjölda verka. Ævistarf hans er fyrir löngu orðið samofið myndlistarlífi Vestmannaeyja og ástríða hans fyrir myndlist er virðingarverð. Viðar auðgar menningarlíf okkar Eyjamanna svo um munar og er því vel að þessari viðurkenningu kominn.“

Njáll afhenti síðan Viðari viðurkenninguna fyrir hönd bæjarráðs. „Vil ég fyrir hönd bæjarráðs óska Viðari Breiðfjörð innilega til hamingju með útnefninguna og hlakka til að fylgjast með listsköpun hans á árinu og til framtíðar.“

Var klipptur út

Viðar þakkaði fyrir sig með stórskemmtilegri ræðu „?????????? Var alltaf að segja mér sögur af kynlegum kvistum í Eyjum þegar ég var að fara að sofa. Það var til þess að ég dreif mig til Eyja,“ sagði Viðar um sín fyrstu kynni af Vestmannaeyjum og Eyjamönnum. Þá var Þráin Bertelsson, leikstjóri að undirbúa tökur á mynd sinni, Nýtt líf sem átti eftir að slá svo eftirminnilega í gegn. Þar var brugðið upp skemmtilegri mynd af vertíðarlífi í Vestmannaeyjum. Þar skipaði skemmtanalífið og verbúðirnar stórt hlutverk.

Og Þráinn býður Viðari að vera með í myndinni, sem hann þáði. „Ég lék og fór á frumsýningu og sást hvergi í myndinni. Ég spurði Þráinn af hverju ég hefði ekki sést í myndinni, svona myndarlegur drengur? Hann sagði: - Í fyrsta lagi varstu áberandi ölvaður og i öðru lagi bætti ekki úr þetta glóðarauga sem þú hafðir náð þér í,“ sagði Viðar og uppskar mikinn hlátur.

Eyjarnar heilluðu strax

Og Eyjarnar heilluðu strax, það fann hann þegar hann í fyrsta skipti sem hann kom til Eyja með Herjólfi. „Þá fékk ég gæsahúð alveg niður í tær, þrisvar sinnum. Ég gleymi þessu aldrei. Hafði aldrei upplifað svona áður en svo tóku við verbúðir, mikil vinna og fyllerí. Mjög gaman og mikið af fólki, merkilegum kareterum,“ sem næst lýsti siglingu í kringum Heimaey, tveimur árum eftir að hann kom til Eyja.

„Það var á bát sem hét Bravó og var farið inn í Klettshelli þar sem var spilað á trompett sem hljómaði dásamlega. Á eftir fór skipstjórinn með bæn sem mér fannst svolítið skrýtið fyrir framan fullan bát af fólki,“ sagði Viðar en Bravó átti eftir að koma við sögu hjá honum aftur.

Slysið

„Það var tveimur árum síðar að ég var suður á Eyjum í eggjum með félögum mínum. Var kominn með um 30 þegar ég fer fram á brún og renn af stað. Þetta var í Litla Höfða og ég fer fram af, lendi á einu syllunni í bjarginu og lá þar slasaður. Já, stórslasaður, ældi blóði, meig blóði, með brotna hryggjaliði og heilahristing og munaði litlu að ég fengi heilablóðfall,“ segir Viðar sem rankaði við sér á Borgarspítalanum.

Eyþór, bróðir Rabba á Dala Rafni VE, Þórðar Rafns, heimsótti Viðar á Spítalann og lýsti því þegar náð var í hann á Bravó. „Ég lá þarna í bátnum og fann ekki fyrir skrokknum. Það var sumar og sól og ég hugsa, hefur skipstjórinn beðið fyrir mér. Um leið og ég hugsa þetta fæ ég hita í skrokkinn alveg niður í tær. Ég er viss um að þetta var kraftaverk og ég hef oft upplifað svona síðan.

Bara fyrir nokkrum dögum fauk lok af fiskikari rétt við hausinn á mér og langt út í sjó.  Hefði ég fengið það í hausinn væri ég ekki hér. Og annað. Ég var að ?????? og lít til hægri og vinstri og er að henda fiski upp á ??????????????. Sé engan bíl en allt í einu kemur vörubíll, á örugglega 80 til 90 km hraða og ég stoppaði. Hefði ég keyrt út á götuna væri ég ekki hér,“ sagði Viðar sem að lokum dásamaði það að búa í Eyjum.

„Það er dásamlegt að búa í Eyjum og er svo yndislega þakklátur fyrir hvert ár. Alltaf eignast maður persónulegri og nýja vini. Ég vil láta mína myndlist lýsa lífsgleðinni, væntumþykju og þakklæti fyrir lífið. Ég yndislega þakklátur fyrir daginn. Þann 21. maí á ég afmæli, sem er bara einu sinni á ári. Þegar kemur fram í júní ætla ég að vera í litlum húsbíl uppi á landi og mála myndir. Ég þakka svo fyrir fallegan dag.“

Ég var staddur inni á 900 Grillhús hjá honum ????? vini mínum að fá mér að borða.