Gosmyndir yngri kynslóðarinnar

Í eigu bæjarins er málverk eftir Steinunni Einarsdóttur þar sem hún túlkar eldgosið eins og það birtist henni svo fjarri heimahögum, en hún bjó í Ástralíu á þeim tíma. Nemendur Bjarteyjar Gylfadóttur í 8. - 10. bekk í myndmennt við Grunnskóla Vestmannaeyja völdu myndina sem fyrirmynd að eigin sköpun eða túlkun á eldgosinu sem þau kynntust aldrei af eigin raun. Myndirnar eru frjáls túlkun unnar í akríl og vatnslitum, og eiga allar sammerkt að vera fyrstu spor ungrar kynslóðar á listabrautinni.