17. apríl 2018

Sumardagurinn fyrsti 2018

 Sumardagurinn fyrsti 2018

 

 

Einarsstofa kl. 11.00

Skólalúðrasveitin leikur vel valin lög.

Sigurvegarar Stóru upplestrarkeppninnar, þau Herborg Sindradóttir, Sara Dröfn Ríkharðsdóttir og Jón Grétar Jónasson lesa ljóð sem þau völdu sjálf,

eftir Þórarinn Eldjárn.

Tilkynnt um val á

bæjarlistamanni Vestmannaeyja 2018.

 

 

Einarsstofa kl. 13.00

Nemendur Bjarteyjar Gylfadóttur í myndlistarvali Grunnskóla Vestmannaeyja í 8.-10. bekk sýna lokaverkefni sín í Einarsstofu 19. apríl – 3. maí.

Sýningin mun opna sumardaginn fyrsta, þann 19. apríl, klukkan 13.00.

Í lokaverkefnum velja nemendur sér viðfangsefni að eigin vali og læra að útfæra það á skapandi hátt.

 

Starfsfólk Safnahúss Vestmannaeyja

óskar bæjarbúum gleðilegs sumars.

meira >>
11. apríl 2018

Bókasafniđ verđur lokađ föstudaginn 13. apríl

Kæru viðskiptavinir Bókasafnsins!
Nú er verið að vinna að því að skipta um ljós á Bókasafninu svo að hér er hálfmyrkt og rafvirkjarnir stundum með læti en það er opið!
Hins vegar verður lokað á Bókasafninu föstudaginn 13. apríl vegna þessarar vinnu.
Við biðjumst velvirðingar á þessu. Hægt verður að skila bókum í póstkassann við hliðina á hurðinni eins og venjulega. Svo opnum við hress og kát mánudaginn 16. apríl!
meira >>
28. mars 2018

!! Bókasafn Vestmannaeyja er lokađ um páskana !!

 Bókasafn Vestmannaeyja

er lokað um páskana.

Við opnum aftur þriðjudaginn 3. apríl.

 

 

 

um leið og við óskum vestmannaeyingum gleðilegrar hátíðar minnum við á að unnt er að skila bókum í póstlúgu við anddyri.

Unnt er að ná í forstöðumann safnsins

í síma 892 9286 utan opnunartíma.

meira >>
08. mars 2018

Eyjahjartađ í Einarsstofu

Sunnudaginn 11. mars kl. 13:00-15:00.

Í sjöunda sinn slær Eyjahjartað í Einarsstofu. Sagnafólkið sem við fáum til liðs við okkur að þessu sinni er
á breiðara aldursbili en hingað til, þannig að hin algilda viðmiðun „fyrir og eftir gos“ verður afstæðari á
sunnudag en oft áður. En öll eiga þau minningar frá Eyjum sem þau ætla að deila með okkur.
Að þessu sinni koma í heimsókn
:
 
Guðrún Kristín
Sigurgeirsdóttir:
Flökkukind.

Eiríkur Þór Einarsson:
Upprifun af
Landagötunni.

Jóhanna María
Eyjólfsdóttir:
Heima er best.

Þórlindur Kjartansson:
Bernskan bjarta. 
 
Dagskráin hefst stundvíslega kl. 13 á sunnudaginn og við hvetjum fólk til að koma tímanlega þar sem undanfarnar dagskrár Eyjahjartans hafa sprengt utan af sér rýmið í Einarsstofu.

Hittumst heil og hress. Lofað er góðri skemmtun, hlátri og stöku gráti.

Eyjahjartavinir
meira >>
09. febrúar 2018

Ljósmyndasýning í Einarsstofu

Nú eru til sýnis í Einarsstofu 10 ljósmyndir úr
Ljósmyndasafni Vestmannaeyja.
Þemað í þetta sinn er „Vestmannaeyjahöfn forðum daga“.
 
Sýning aðgengileg á opnunartímum Safnahússins.
 
Kveðja,
starfsfólk Safnahúss Vestmannaeyja og Listvinahópurinn.
 
meira >>
24. janúar 2018

Dagskrá til heiđurs Guđna Hermansen í Einarsstofu

Á laugardaginn 27. janúar kl. 13 - 14 mun Elliði Vignisson bæjarstjóri taka á móti merkri gjöf frá Jóhönnu Hermannsdóttur. Um er að ræða eitt merkasta málverk Vestmannaeyja, „Hefnd Helgafells“ eftir Guðna Hermansen. Verkið er málað rúmu ári fyrir gos og hafði forspárgildi fyrir það er síðar kom fram. Helgi Bernódusson mun fjalla um sögu málverksins og Hermann Einarsson minnast vinar síns, Guðna. Þá mun Helgi Hannesson, sonur Jóhönnu, afhjúpa verkið og Gísli Pálsson sýna myndasyrpu um sögu verksins og komu þess til Eyja.

 

Allir hjartanlega velkomnir, kaffi og konfekt á borðum.

 

Vestmannaeyjabær og Listvinir Safnahúss.

 

Sýningin stendur til 4. febrúar.

Opið 13 – 16 laugardaga og sunnudaga og 10 – 18 virka daga.

meira >>
15. nóvember 2016

Dagur íslenskrar tungu í Safnahúsinu.

 Í samstarfi Safnahúss og Tónlistarskóla Vestmannaeyja verður á morgun miðvikudaginn 16. nóvember kl. 17:15, á Degi íslenskrar tungu, haldin kynning í Einarsstofu í Safnahúsi á tímariti sem ber heitið Stuðlaberg og er helgað hefðbundinni ljóðlist. Ritstjóri, útgefandi og ábyrgðarmaður er Ragnar Ingi Aðalsteinsson.
 
Stuðlaberg kom fyrst út árið 2012 og hefur eftir það komið út tvisvar á ári, haust og vor. Í ritinu er fjallað um allt sem lýtur að bragfræði. Þar birtist jafnan mikið af vel gerðum og skemmtilegum vísum auk þess sem fjallað er um höfunda og oft er rakin sagan sem liggur að baki vísunni. Birtar eru greinar um bragfræðileg efni. Þær eru stuttar og reynt að gera efnið ekki flókið enda kemur fram í ritinu að ritstjóri telur bragfræði minna á sterkt kaffi; það er gott í smáum skömmtum en ekki æskilegt að drekka mikið af því í einu.
 
Ragnar Ingi mun kynna ritið og lesa valda kafla af efni þess undanfarin ár. Kynningin  verður á léttu nótunum. Lesið verður upp úr ritinu og auk þess mun Ragnar Ingi, sem er vel heima í vísnagerð og hefur kynnt sér þann geira menningarinnar nokkuð vel, flytja ýmislegt skemmtiefni tengt vísnagerð og kveðskap almennt.
 
Dagur íslenskrar tungu skipar auk þess sérstakan sess í hugum Vestmannaeyinga þar sem hann er fæðingardagur Oddgeirs Kristjánssonar. Af þeim sökum mun Jarl Sigurgeirsson mæta á dagskrána og flytja og kynna nokkur valin Eyjalög Oddgeirs.
 
Að lokum gefst öllum skúffuskáldum í Vestmannaeyjum tækifæri til að kynna efni sitt með stuttri en snarpri innkomu.
 
Allir hjartanlega velkomnir.
meira >>
09. nóvember 2016

Hún Helga okkar var Eyjamađur vikunnar

 Hér má sjá viðtalið við Eyjamann vikunnar skrar/file/Skanni_20161123%20(6).jpg
meira >>
09. nóvember 2016

Sýning á ljósmyndum Gísla J. Johnsen í Viskusalnum á morgun

 Síðasta fimmtudag við upphaf Safnahelgar í Eyjum voru sýndar á sýningartjaldi í Safnahúsinu ljósmyndir úr fórum Gísla J. Johnsen (f. 1881- d. 1964 ) eins mesta athafnamanns í sögu Vestmannaeyja.
Um er að ræða um 180 ljósmyndir flestar teknar á árunum 1910-1930 og spanna það tímabil þegar mikill uppgangur var í Eyjum eftir að vélbátaöldin gekk í garð. Gísli J. Johnsen var mesti athafnamaður Eyjanna á þessum tíma og rak fjölþætta starfsemi í útgerð, fiskvinnslu, verslun og viðskiptum. Gísli Johnsen og fjölskylda byggðu húsið Breiðablik árið 1908 og þá hafði hann forgöngu um byggingu Sjúkrahúss  Vestmannaeyja sem lauk 1928 og varð Ráðhús Vestmannaeyjabæjar árið 1977.  Á myndasýningunni sl. fimmtudag var kallað eftir  upplýsingum á mörgum myndanna og voru þær færðar jafnóðum inn af starfsfólki ljósmyndasafns Safnahússins og flýtir það fyrir við seinni sýningu þeirra. Myndirnar sýna einkum  fólk, hús og athafnalíf í Eyjum á þessum uppgangsárum.
Ákveðið var að verða við óskum um að endurtaka myndasýninguna og verður hún nú  í Viskusalnum Strandvegi 50 jarðhæð fimmtudaginn 10. nóvember kl. 17.00 ( kl. 5.00 síðdegis) og mun hún standa til kl. 18.30. Þá verður lokið að fara í gegnum þessar 180 ljósmyndir og verður staldrað  við sumar þeirra og kallað eftir upplýsingum. Þessi rúllandi myndasýning er liður í samstarfsverkefnum Safnahúss og Visku og með því að hafa sýninguna síðdegis ættu fleiri  að eiga möguleika að mæta.
meira >>
04. nóvember 2016

Hugleikur međ myndlistarsýningu á Safnahelgi

 Föstudaginn 4. nóvember mun Hugleikur Dagsson opna sýningu í Einarsstofu , Safnahúsi í Vestmannaeyjum kl 18:00.  Sýningin er haldin í tilefni af útgáfu bókarinnar ,, Where´s God " sem er nýjasta teikniverk Hugleiks Dagssonar .  Hér sameinar hann áhuga sinn á Valla úr ,, Hvar ertu Valli ?? " bókunum og  vangaveltur sínar um tilveru Guðs. Hér getur lesandinn sjálfur spreytt sig á þessari leit sem svo margir spekingar og fræðingar hafa lagt í.  Hvar er Guð eiginlega ? Segðu  mér ! 
Sýningunni lýkur 30. nóvember. 
meira >>